الدكتورة اسماء جوده تكتب : خواطرنفسية .. من وحي حادث قتل جنودنا (حليت ضفايرها )

08/06/2019 6:55:24 AM مقالات ومنوعات
الدكتورة اسماء جوده تكتب : خواطرنفسية .. من وحي حادث قتل جنودنا (حليت ضفايرها )

حليت ضفايرها

بقلم  الدكتورة :  أسماء جوده

من وحي حادث قتل جنودنا

حليت ضفايرها

....

حليت ضفايرها

ودورت أنا عليها

ندهت علي  إسمها وبصيت في عنيها

وتاهت أوام مني جميع مراسيها

زاد في البعاد الجفا وتاهت حكاويها

أميل ويا الهوا وبجناحي أغطيها

ويمسك بإيدي الشبك ولا شبكي يأويها

طاير لفوق في الهوا وبروحي أنا أفديها

شايفها ست الكل وف قلبي أخبيها

وأكره سنين الصدا وبإيدي أحليها

وأسند بإيدي الجدع وظروفنا أعديها

ويملك حنيني لها كل أمانيها

ولما روحتلها شايل أنا كفني

ما خوفت انا  غير علي دمعه من أهلي

وقفت في وش خسيس ساكن أراضيها

يجيلي وقت الفرح يكسرها يحنيها

ويقتل فيها الجبان أعز ما ليها

أصرخ بعلو الصوت يا رب عديها

شدوا السلاح يا شبال احنا هنا ليها

يروي بدمي الأرض وأزرع أنا ليها

نخل وزيتون وصبر  يطرح أمل ليها

ياما لا تتألمي ولا دمعه تكفيها

دي حبيبتي وقت الضعف شديت علي إيديها

ياما سامحيني علي كل كلمة أه

قتلوك يا ولدي يا كبدي  يا حاميها

قتلوك برصاصه غدر قتلت معاك عمري

وقبل ما يسيل دمك وجعك قتل صدري

يا ولدي يا عريس شالوك في الزفه

طارت لفوق في السما ويشهد عليك ربي

كنت يا ولدي بطل  يا فرحه وانكسرت

وبكا الحجر لاجلك وقلوبنا اتقهرت

هستني يوم اللقا واخدك انا في حضني

ولا حد يكفيني من نظره من عينك

يا ولدي هتجيني ولو حلم هيزورني

ياما لا تزعلي ولا تعتلي همي

انا كنت وقت الوجع راجل شادد عزمي

انا كنت بعشقها   وعارف مهنش عليها

يا ما أنا فديتها بعمري وفدي عنيها

ياما لا تتألمي ولا دمعه تكفيها

دي حبيبتي وقت الضعف شديت علي إيديها

تعليقات

استطلاع رأي

توقع الفائز بلقب كأس الأمم الإفريقية 2019

  منتخب مصر  57 %
  منتخب الكاميرون  0 %
  منتخب تونس  0 %
  منتخب المغرب  14 %
  منتخب السنغال  28 %

نتائج التصويت

اقرأ لـ

 
© حقوق النشر محفوظة لـبوابة الغد
Counter for tumblr