الأخبار 

عبدالعال يفتح النار على اتحاد الكره والموجه التي تعرض لها صلاح مصطنعة لتشويه صوره البطولة والسماسرة خربو المنتخب

21/07/2019 9:35:16 PM رياضة
عبدالعال يفتح النار على اتحاد الكره والموجه التي تعرض لها صلاح مصطنعة لتشويه صوره البطولة  والسماسرة خربو المنتخب

حوار: -  عبداللة الغمرى 

تحدث رضا عبد العال، نجم الأهلى والزمالك السابق، فى حوار مطول مع بوابة الغد  حول الصراعات التى يشهدها الدورى والتراشق بين أطراف المنظومة الرياضية وتوتر الأوضاع على الساحة الرياضية.


فى البداية كابتن رضا رأيك فى تنظيم البطولة؟ 


شيء أكتر من رائع وشكل خرافي يحسب للجميع ويثبت أننا قادرين على فعل أى شيء تنظيم على أعلى مستوى وفعلاً شكل يليق بأسم مصر . 

كونت مختلف على ترشيح فضل كرئيس للبطولة 


وعند رأى لحد لدوقتي فضل مكنش يستحق التنظيم والدولة هي اللي سخرت كل العقوبات ليه ولولها منكش عمل حاجه هوه مش أكتر من شيل هنا حط هنا لكن كدور فعال وليه تأثير لاء  . 

هل  الجزائر كانت تستحق اللقب ؟ 


الجزائر فاجت الجميع بالأداء المبهر والروح القتالية بالطبع يستحقوا اللقب منتخب اجتهد واشتغل على نفسه وقدر ينجح ويتخطى السنغال بدور المجموعات وبعدها كوت ديفوار  ونيجريا  يستحق بكل تأكيد حصد اللقب وشيء يحسب لجمال بالماضي المدير الفني للفريق على توحيد اللعبين بهذا الشكل الممتع ، 

على ذكر جمال بالماضي وهوه جيل الكابتن حسام حسن حضرتك شائف انى التجربة لو تكررت فى مصر مع الكابتن حسام ممكن تكلل بالنجاح ؟ 


. لا طبعاً حسام حسن كان لاعب ممتاز كجمال بالماضي لكن كمدرب صعب حسام فقير فنياً وطريقة التعامل مع نجوم بمنتخب عكس طريقة التعامل مع شباب بفرقة صغيره هدفها البقاء بالدوري،

تصريح جمال بالماضي بآنه لا يحتاج لدعم المصرين وبعد ذألك انو لم يشاهد دعم المصرين ولو حدث ذألك سيذهب لطبيب عيون ؟ 


.جمال بالماضي مدرب ذكى وأكيد تصريح ذى ده كان ليه هدف معين وانو شائف الدعم من جمهور الجزائر كان كبير
فحب يوصل ليهم انى الجمهور اللي جاي ده ليكم لازم يفرح ورح عداء لشد الانتباه والحماس لدى اللعبين دعنا نطرق كل هذا ولا نمسك فى تصريحات ونشوه صورة الرجل بكلام فإضي

مين المدرب اللي شافيه الأنسب فى الوقت الحالي ؟ 

مدرب وادى دجله   تاكيس جونياس مدرب رائع وبلعب كورة قدم حديثه لو الملعب مقفول من العمق بيحول يلعب على الأطراف يعنى مش فيلعب  بطريقة كوبر باصي لصلاح والكلام ده مدرب قادر على تغير طريقة اللعب وقادر انو ينجح 

المدرب العام يكون مصري ولا أجنبي ؟ 

شائف انو الراجل يجي بالجهاز بتابعه أفضل بحيث لا يوجد احد بدير سيبوبه لحسابه الخاص ونقدر  نحاسبه لو اخطاء فى شئ

مستر خافيير  أجيري توقعت ليه الفشل وانو مش ينجح مع المنتخب وانو حرامي ونصاب ؟ 

أجيري مدير فنى فاشل وعليه فواضي  في بلده وهربان ودى كلها دلائل على فشل الرجل مع المنتخب واللي أكد ده الخيرات اللي أخترها بقائمة المنتخب من أسماء لعيبه حرام تلعب بالدوري المصري أصلاً وعندي معلومة انى أحمد على هو اللي كان هبيدا بمباراة زيمبابوي ويسخن جه تليفون لأجيري أنو يلعب مروان على حساب أحمد على . 

هل وكلاء اللعبين كان ليهم دور ذى محضرتك ذكرت بإنى حارس مرمى وكيله دفع فلوس عشان يلعب ؟


الموضوع كان مصلحه بين هاني أبو ريده وآجيرى والسمسار سالجادو بضم لاعبين أنصاف نجوم عشان يحسب كلاعب دولي وقيمته تزيد الخيرات .

مين اللعبين اللى كانت تستحق انها تروح ومين لأ 


كوكا ومروان وورده مفيش حد يستحق انو يروح وكان لازم كهربا ورمضان فى القائمة حتى عندك لعيبه تقدر تصنع الفارق  لكن الموضوع مشيء سمسره مع بعض على حسبنا  كلنا أتحرق دمنا وأحنا بتفرج على النهائي ومصر مش بتلاعب فيه 
هل كنا مؤهلين إنى نوصل  نهائى 
للأمانة لا بس  كان عندنا حوافظ والبطولة على أرضك ووسط جمهورك ليه لا صعب حصد اللقب بس على الأقل تاخد وصيف ذى النسخة السابقة مكنش حد يتوقع اننا نوصل نهائي لكن الظروف خدمتنا ووصلنا وكان سهل حصد اللقب لكن منه لله كوبر اللي ضيعنا بطريقة لعبه دى وفكرة باصي لصلاح ونجم الفريق الأوحد والاعتماد عليه بشكل كبير أثر على أدائه

محمد صلاح بعد الخروج من الباب الصغير تعرض لموجه حاره وغضب الجماهير عليه على السوشيال ميديا ؟ 

معروف مين اللى بيحرك اللجان دى  لمصالحه الشخصية اللى مختلفة مع صلاح فيها والنيل من التنظيم اللى مصر عملته وتشويه صورة البطولة ومصالح بعض الأفراد بالاتحاد بعض مفتضحهم صلاح

كابتن حسن شحاته واللى كانت تجربته ناجحة جداً من المنتخب فى حصد ثلاث ألقاب متتاليه أسمه بداء يظهر فى الصورة وانو يقود زمام الأمور ؟ 


كابتن حسن شحاته سيظلم نفسه لو خد قرار التدريب مره أخره لعوامل كتير منها السن والقماشة اللى موجوده فى الجيل الحالي وطريقة اللعب القديمة فى طل تطوير الكره ووجود منتخبات عمالقة ولاعبين بالدوريات الكبرى ممكن يكون مستشار

-اللاعبين  اللى كانت مع الكابتن حسن سبب نجاحه؟ 

أكيد كان ليها دور كبير وكانت داعمه ليه لكن هوه عرف يستغلها كويس جداً برغم الضغوطات اللى عليه والبداية مكنتش كؤيسه لكن عرف يحمس اللعيبه كويس ويوظف صح والاختيارات كانت عادله برغم تدخل البعض والأعتراض لضمه للعميد حسام حسن لكن صمم على الاختيارات وأعطى فرصه لمتعب وذكى وكان لهم مدلول رائع

ايه الأسباب اللي الجيل الذهبي يصعد كأس عالم رغم توفر كل الإمكانيات ووجود قماشه تساعده فى ذألك ؟ 

أحنا فعلاً صعدنا كأس عالم فى ٢٠١٠ قوانين الڤيڤا بأن هدف الخصم بهدفين فى جميع البطولات المقامة فى القاره فى ذالك الوقت فى كأس أبطال أفريقيا ودرى الأبطال وتصفيات أمم أفريقيا وكأس العالم بعد الهزيمة بثلاث أهداف لهدف من الجزائر جينا هنا وكسبنا بهدفين مقابل صفر يعنى كنا نصعد رسمي لكن مين اللي وافق على قرار الهدف بهدف ومضى على القرار 

اللى وافق هاني أبو ريده وقتها وكان عضو بالاتحاد الدولي لكرة القدم ووافق على القرار لصالح مين 

كان هناك تصريح للكابتن هاني بأن ما حدث فى أم درمان مفبرك من بعض العناصر الموجودة فى الاتحاد المصري لكرة القدم

شوفت الفيديو ليه مع الإعلامي إبراهيم فايق ولكن لماذا لم يحدد عناصر ولم يقل تلك الكلام فى الوقت نفسه بل لماذا لا يتكلم بشكل كافي فى الأمر للتوضيح هل لأنه معارض مع مصلحته

مين الأنسب لمنصب رئيس الاتحاد ؟
الأنسب آى حد يتقى ربنا فينا ويكون عنده ضمير مفيش  أسم معين لكن ضد اللى كان موجدين وضد آى حد يترشح منهم

الكابتن هانى رمزى أثار جدل بعد تصريحاته ضد مستر أجيري وأنو كان معترض على لعيبه بعينها ؟ 

هانى لما لقى نفس هيشيل الليلة لوحده قل يقول على كل حاجه وهوه ملوش ذنب فى اللى حصل الاتحاد يتسأل فى اللي قاله هانى أنو معترض على ضم لاعبين بعينهم وانو بلغ اتحاد الكره لكن دون جدوى عشان مصالحهم الشخصية 

أخيراً مين سيحصل على لقب الأفضل فى أفريقيا هناك أسامى طرحت كرياض محرز ، محمد صلاح ، مأني ، 
محمد صلاح هو الأقرب لحصد اللقب نظراً انو حصل على دوري الأبطال ووصيف الدوري الإنجليزي ، أيضاً مأني حصل على نفس اللقب بالإضافة على الحصول على وصيف كأس أمم أفريقيا ؟ 
. أمم أفريقيا بطوله ملهاش تأثير كبير محمد صلاح خدها ٢٠١٧ وأحنامكناش أبطال أفريقيا بخلاف محمد صلاح كان ليه تأثير

مين أفضل لاعب فى العالم ٢٠١٩ 

ميسي بكل تأكيد بل الأفضل فى التاريخ رغم حبى لماردونا  رغم فشله ميسى فى كوبا أمريكا لكن كان ليه تأثير مع برشلونة  
ميسي أم ماردونا 
منافسه صعب رغم حصول ماردونا على كأس العالم لكن كان هناك جيل يسانده أم ميسى يلعب بجوار عشر خشبات بالإضافة الى متعته حينما يلمس الكره


تعليقات



استطلاع رأي

توقع من سيفوز فى مباراة العودة ابطال افريقيا الدور التمهيدى ؟

  فوز الزمالك  50 %
  فوزديكاداها الصومالى  50 %
  التعادل  0 %

نتائج التصويت

اقرأ لـ

 
© حقوق النشر محفوظة لـبوابة الغد