غاده الشرقاوى تكتب : رسالة علم وطاقة نور

18/02/2020 6:16:02 AM مقالات ومنوعات
غاده الشرقاوى تكتب : رسالة علم وطاقة نور

بقلم : غاده الشرقاوى

اصدقائي طبتم وطابت اوقاتكم بكل خير

.. تعالو نشجع بعض بطاقه ايجابيه ف حياتنا

... بزعل اوي لما بسمع حد يقولي انا فاشل

ليه حكمت ع نفسك علي نفسك بكده علي فكره كلنا فاشلين وبردوا كلنا ناجحين ومحدش فاشل او ناجح بالفطره

... لازم نغلط عشان نتعلم من اخطائنا ولازم تكون مؤمن بنفسك وبقدراتك ودايما لسان حالك بيردد

"انا هقدر انا هعمل انا هكمل" متخليش حد يحطمك انت صاحب الفكره ومهما كانت العواقب والعثرات كمل ولازم توصل لهدفك اللي حطيته

.... مفيش ليل علي طول. الليل بعده نهار

ومفيش قمر علي طول بالرغم ان القمر ساحر بس لازم تطلع شمس بكره🌞

.. واللي بيقع لازم يقوم محدش بيفضل واقع علي طول

... الحياه محطات رتب اولوياتك واهدافك واستفيد من كل محطه هتقف فيها هتلاقي افكار وتحارب وامثله مميزه

.. صاحب الناس الحلوه اللي بتضحك هتديك امل ف بكره الناس دي طاقه ايجابيه الناس دي هتقولك علي اقل مستوي نجاح وصلته برافو عليك كمل

وبلاش تقعد مع الناس الكئيبه اللي كلامها كله تحطيم واللي لا منه ولا كفايه شره

... متحطش نفسك تحت ضغط فكره انت صاحب الفكره - انت صاحب وقتك - صاحب نجاحك حدد وقت زمني لهدفك عشان توصل لمرحله الرضا وعشان لما تنجح، تقول تجربتك للي حواليك وتكون المصباح المضئ ف درب ناس جديده كانت زيك في بدايتك

واعرف ان وجودنا ف الدنيا مش صدفه ولا ظاهره كونيه ربنا خلقنا رسايل اجيال بتوصلها لاجيال فخليك دايما رساله علم وطاقه نور

دمتم بصحه وسعاده 


تعليقات



استطلاع رأي

مدى التزام الشعب المصرى بتعليمات الدولة بالبقاء فى المنزل لمواجهة كورونا ؟

  بنسبة كبيرة  54 %
  بنسبة متوسطة  18 %
  بنسبة ضئيلة  27 %

نتائج التصويت

اقرأ لـ

 
© حقوق النشر محفوظة لـبوابة الغد