غاده الشرقاوى تكتب : الاحتواء ... كل حاجه عند ماما لأ

23/02/2020 11:32:01 AM مقالات ومنوعات
غاده الشرقاوى تكتب : الاحتواء ... كل حاجه عند ماما لأ

بقلم : غاده الشرقاوى

اصدقائي طبتم وطابت اوقاتكم بكل خير

هنتكلم عن حاجه مهمة فى حياتنا جدا هى الاحتواء

الاحتواء هو الحنان والرحمه والتآلف والتجانس والتوافق

.. معظم الخلافات الأسريه اللي حضرتها او سمعتها سواء بين الأزواج او الأبناء كان سببها عدم الاحتواء ولما قعدت اتناقش معاهم اتكررت ادامي اكتر من كلمه مهين اوي زي مثلا ع سبيل المثال وليس الحصر :

.. مش مديني فرصه اتكلم معاه اَو معاها

.. هي او هو مش عايزه تفهم كلامي

.. قلت كتير علي حاجات بتزعلني وبردوا بيعملها

.. مطنشاني و لا بترد عليا ولا فارق معاها وجودي

.. ماما بتزعق ع كل حاجه

.. كل حاجه عند ماما لأ

.. بابا بيحرجني ادام اي حد

.. بابا دايما مشغول ولا يعرف عني حاجه

... ايه كميه الفجوات اللي ف بيوتنا دي وكأننا اغراب عايشين مع بعض  واكتشفت ان مضمون الكلام يتلخص ف حاجات بسيطه لو كنا  عملناها مش هنوصل للمرحله دي ونسهل الحياه علي نفسنا وعلي ولادنا واولهم اسمعني واسمعك _ خلي قلبك وعقلك يترجمني من نظره عين ونبره صوت مش لازم اوصل لمرحله الانهيار عشان اقولك محتاجلك احتويني وطبطب عليا وطمني

.. يا جماعه الحياه مش عافيه ولا خناقه ولا مين ينتصر علي و مين وكلامه اللي يمشي

الحياه مشاركه وعشان نكون شركه لازم نكون متفاهمين وعشان نكون متفاهمين لازم نحس بالامان وعارف ومتأكد اني لما احتاجك هلاقيك جنبي تخفف عني وتسمعني

.. زي الطفل الصغير اول ما بيحس بخوف او خطر بيجري علي امه بيستخبي فيها حتي لو غلطان عشان عارف انها الامان وانها هتحتويه وتطمنه

....واخيرا

هنحتوي هنكتفي هنطمن هنرتاح

دمتم بصحه وسعاده


تعليقات



استطلاع رأي

مدى التزام الشعب المصرى بتعليمات الدولة بالبقاء فى المنزل لمواجهة كورونا ؟

  بنسبة كبيرة  66 %
  بنسبة متوسطة  16 %
  بنسبة ضئيلة  16 %

نتائج التصويت

اقرأ لـ

 
© حقوق النشر محفوظة لـبوابة الغد