العقيد خالد الحسيني يوضح أسباب الحوادث علي الطرق السريعة

10/07/2020 02:18:00 م اخبار مصر
العقيد خالد الحسيني يوضح أسباب الحوادث علي الطرق السريعة

محمد الجندي

صرح العقيد خالد الحسيني أحد ظباط المرور بالقاهرة
انه من خلال تجاربه في العمل من خلال  الدوريات الراكبه ( ضباط الموتسيكلات ) و مباحث المرور و التخطيط و البحوث الفنيه و المرور الميدانى فى الشارع
واضاف الحسيني أنه بخ
انا طبعا عارف أنه بحكم عمله شاهد الكثير  الحوادث المريعه و على علم باسبابها وأنه يجلس مع نفسه  وتحليل  اسباب تلك الحوادث من أجل أفادت الجميع وتوخي الحذر

وأشار الحسيني ان تحديد السرعات على الطرق بتكون من خلال جهه واحده فى الاداره العامه للمرور
مهما كانت الجهه المنشئه للطريق
لان هما الجهه المختصه بس مع العلم أنه  يتحدد السرعه وفقا لمعايير دوليه ومن أجل ذلك  مفيش طريق هنا فى مصر سرعته فوق ال ١٢٠ كيلو 
و وذلك يرجع اسبابه للاتى :
نوع الطبقه الاسفلتيه اللى على الطريق بالإضافة الي
كميه التجهيزات اللى قبل الرصف بمعنى طبقه الخرسانه اللى تحت الاسفت 
حتى البلاك الاسود اللى بيتفرش قبل الاسفلت بيفرق
و ده احنا بنلاحظو من خلال الهبوط اللى بيحصل فى الطرق بعد فتره و خاصه خلال فتره الصيف بعد مرور العربيات النقل الثقيل عليها علشان مفيش طريق بديل ليه
هقولكو على سر
سرعه الطريق الاصليه اللى بتتحدد بتبقى ازيد من السرعه اللى انت بتشوفها على العلامات ب ٢٠ كيلو بس
يعنى لو ١٢٠ يبقى احنا فى المرور شايفين ان الطريق ده ١٤٠ لكن احنا بالقياس فى المعايير الدوليه بنحطك فى نقطه الامان ربنا يحفظكو
و بعد كده بتلاقى الطريق اللى كان مستقيم ظهر عليه بعض المطبات الهوائيه و ده بيشغل المساعدين بتاعتك بصوره اعلى و  معنى كده عدم ثبات للعربيه
ممكن تقولى لو انت راكب عربيه تحفه و على ملف و انت سرعتك ٢٠٠ و عجله ضربت هتعمل ايه
هتبقى نجم مصر فى الدريفت و هتفضل تدريفت بالعربيه لغايه ما تقف ادام ربنا
و ساعتها السباق خلص و انت معملتش حسابك
يا اخونا انا شوفت واحد واقف ادام عربيه ابنه و هى مولعه لحد ما طفيناها بيسالنا على اى  حاجه يدفنها مكناش عارفين نقوله ايه
انا بكتب الكلام ده لله علشان صديقى و اخويا النقيب عمرو صفوت رئيس وحده تراخيص القطاميه ( الله يرحمه و يغفرله و يسامحه )
الجمال كله و الادب و الشياكه و كل حاجه حلوه ممكن تشوفها فى راجل محترم
عمره ما كسر بخاطر حد او قال لحد لأ
عربيه c180 موديل ٢٠١٣ ماشيه ١٧ الف كيلو بس يعنى زيرو
بس المشكله يا اخونا انه نام من التعب كان مع عياله و راجع بيجرى علشان يلحق الشغل
و نام و دخل فى عربيه ادامه و مات


تعليقات



استطلاع رأي

مدى التزام الشعب المصري بتعليمات الدولة لمواجهة كورونا ؟

  بنسبة كبيرة  14 %
  بنسبة متوسطة  28 %
  بنسبة ضئيلة  57 %

نتائج التصويت

آخر أخبار اليوم - اخبار عاجلة




تعرف على أبرز أخبار الـتوك شو السبت 24 أكتوبر


ارتفاع إصابات كورونا في المكسيك إلى 886800 حالة


كونجرس بيرو يحدد موعدًا للتصويت على إجراءات لعزل الرئيس


السودان, 9 إصابات جديدة بكورونا والإجمالي يرتفع إلى 7ر13 ألف حالة


السيناتور الأمريكية ليزا موركوفسكى تعلن أنها ستصوت لصالح اختيار القاضية باريت للمحكمة العليا


إصابة رئيس البرلمان السلوفاكي بجروح خطيرة إثر حادث مروري


عدد الإصابات بكورونا في كولومبيا يتجاوز مليون حالة


رسالة مؤثرة من أحمد خالد صالح لوالده


الخرطوم وجوبا تعاودان المحادثات السياسية حول أبيي


انتخابات النواب 2020 حقيقة توقف عمل لجنة في الجيزة


القرفة تقوي جهاز المناعة وتُقلل الإصابة بالسرطان

اقرأ لـ

 
© حقوق النشر محفوظة لـبوابة الغد