الشاعره هبه حلاوة تكتب :

فن وثقافة
الشاعره هبه حلاوة تكتب :

لا أرى ..لا أسمع ..لا أتكلم

وإن كان ولابد

مش لازم أفهم

أنا بس بهيمة

ف حضرة سي السيد

وإكمني غشيمة

فكرت إني هعَيِّدْ

لكن وياه

معرفتش غير الصوم

وإني ف حماه

بلعب دور المظلوم

بس ف عيشتي

مش ف السيما

وإن مصيبتي

إني سليمة

ف زمان معيوب

وإن رجولته هروب

من كوني كريمة

وإن أنا من غيره

أقوى من أي هزيمة

وإني تميمة

تحرس غيره متحرسهوش

وإن المهبوش

اللي يعامل ست عظيمة

إنها حرفوش


تعليقات



اقرأ لـ

 
© حقوق النشر محفوظة لـبوابة الغد