"محمد عبدالعظيم عليوة" يكتب...ذكري أنضمام ابوتريكة للاهلي

1/16/2021 2:53:47 PM رياضة

التاريخ انهاردة مع ذكرى انضمام تريكة للأهلي مدين بالفضل ل ٧٥٠ الف جنية رجوعهم للزمالك غيروا مجرى التاريخ الكروي اخر ٢٠ سنة. 

الزمالك كان بيتفاوض مع نادي الترسانة بكل قوة لضم محمد ابو تريكة. وكان مسؤولين الزمالك بكل الطرق بيضغطوا على ابو تريكة للتوقيع. فراحوا أجتمعوا بأبو تريكة وواخدين شنطة فلوس معاهم فتريكة قال انه قرر يبالغ في الطلبات في القاعدة والشروط عشان يتراجعوا عن ضمه. بس المشكلة ان كل ما يقولهم حاجة يوافقوا ويقولوا ماشي تريكة يطلب حاجة اصعب برضوا يوافقوا وفي نهاية القاعدة ادوله شنطة فيها ٧٥٠ الف جنية وتريكة معرفش يعمل ايه. حسن فريد رئيس الترسانة وقتها قال انه راح النادي الصبح لقى ابو تريكة واقف على باب مكتبه وفي ايده شنطة. وقاله الشنطة دي فيها ٧٥٠ الف جنية من نادي الزمالك ادوهملي امبارح عشان أوقع وانا معرفتش اتصرف وجيت صليت الفجر وفضلت في المسجد اللي  عند النادي لحد ما انت تيجي الصبح واديهملك ترجعهم لاني مش عايز اروح الزمالك

حابب اقول ان دول اجمل ٧٥٠ الف جنية رجعوا في تاريخ البشرية. ال ٧٥٠ الف جنية اللي رجوعهم كان سبب في كتابة تاريخ  اسطوري لتريكة والأهلي وعلاقة حب مع الاهلي وجمهوره تساوي كل كنوز الدنيا وفلوس الأرض.


تعليقات


اقرأ لـ

     
© حقوق النشر محفوظة لـ بوابة الغد