تعرف علي قصة الكاتبة « ريهام لطفي »

23/03/2021 07:50 PM فن وثقافة
تعرف علي قصة الكاتبة « ريهام لطفي »


 كتبت / أيه حسين ابوبكر




ريهام بتعشق القراءة من صغرها ، حتي ان والدتها في صغرها كانت بتكافئها بأنها تشتري لها الكتب هدية، وفي يوم كانت ريهام بتقرأ رواية لـ "دان براون " بعنوان "شيفرة دافنشي" ، وبعدها فكرت تعمل فيديوهات علي صفحتها الشخصية وقناتها على يوتيوب ، وتشجع فيها الشباب أن يتجهوا لعالم القراءة الممتع، وبالفعل عملت برنامج صغير اسمه "كتاب في دقيقة" بتلخص فيه الكتب اللي بتقراها بشكل مشوق واهتمت انها تعمل ريفيوهات عن الكتب في مجالات متنوعة زي الكتب الاجتماعية والفلسفية والتاريخية ..الخ وبالنسبة للروايات بتلخصها من غير ما تحرق الأحداث علشان تشوق المشاهد انه يشتري الرواية ويقراها بنفسه .


 كانت بداية " ريهام لطفي" ابنة محافظة الشرقية ، خريجة كلية تجارة انجلش، ولكن بعد الجامعة قامت بعمل معادلة بكلية التربية وحصلت علي ماجستير في الصحة النفسية 

علي الرغم من صغر سنها إلا أنها قدرت تثبت نفسها وذاتها .. عكس ناس كتير لم تيأس وأصرت واجتهدت لحين وصولها الي المكانة التي وصلت لها الان الكاتبة " ريهام لطفي " .


كتب ومؤلفات "ريهام" موجهه اكتر للشباب، ومن أهم الكتب اللي انتشرت لها ( مش هرتبط إلا رسمي ، ربنا موجود ، نوتة وبنوتة ) ، كتب اثرت مع الشباب خاصة اللي في سن المراهقة، لان الفترة دي من أهم الفترات اللي بتتكون فيها شخصية الانسان وتفكيره ، لكن قليل اللي بيهتم بيهم في عالم الكتابة ، وبالنسبه للكاتبة لأن الفئة دي مهمة بدأت تحضر ماجستير في الصحة النفسية وكانت عينة الدراسة من فئة المراهقين وحصلت علي الماجستير بتقديرامتياز"


جدير بالذكر أن "ريهام " عدد متابعينها علي الفيس بوك وصل إلي 180 ألف متابع ، وده ساعد اكتر في وصول كتاباتها للشباب



هدفها أنها تقدم محتوي من الفيديوهات حقيقي يفيد الشباب ويرجعوا يقروا من تاني وتكون من اهم اهتماماتهم وتنتشر القراءة في الوطن العربي.


تعليقات


اقرأ لـ

     
© حقوق النشر محفوظة لـ بوابة الغد